樂隊「APPLE」呢個名係咪好好聽呢？未聽過？當然啦，呢隊由小蘋果成立的樂隊，只係表演一次咁多咋！經歷兩小時的學習，曲目是零，但成功彈到幾個單音都算無走音！都係聽番小師傅，即係香港首隊小學生樂隊「POPY」成員的水準演出好啲！
記者：小辣椒 攝影：林伯
鳴謝：聖公會聖提摩太小學
聖公會聖提摩太小學的「POPY」樂隊，已經出道一年，在學界同商界（商場活動）都幾有知名度㗎！由林Sir一手調教出來的徒弟仔，主要係小四至小六的學生，現時演奏曲目大部份是七十至八十年代的BandSound，歌曲主要「供應商」係Beyond，拿手曲目有《真的愛你》、《YMCA》、《TopoftheWorld》等。想學小師傅咁叻，做小徒弟的「APPLE」樂隊就要由零開始啦。
夾Band易學難精
一隊樂隊，排喺最前的係樂隊主音、主音結他手和低音結他手，永遠有型！而喺後面默默耕耘的就係彈電子琴和打套鼓的成員，通常好難睇得清楚他們的臉孔。
夾Band前，大家都要學識睇譜！原來結他用的樂譜係六線譜、或者簡譜，望落去同五線譜差不多，但「d,r,m,f,s」等就以阿拉伯數字代表，對應結他上的絃和格，所以數絃同格就變成小蘋果的第一樣艱辛任務，皆因真係好容易㩒錯線。
第二輪試驗
一隊樂隊有不同的崗位，「APPLE」樂隊成員當然要認識所有崗位，至顯得專業同認真。小辣椒最後發覺大家對電子琴同套鼓最感趣，因為電結他好型好靚！不過由於實在太重，影響咗大家扮有型的心情。小學生夾Band，可以好似「POPY」咁專業，亦可以好似「APPLE」咁型囉！
擺甫士影靚相
