身為樂施會教育大使的方力申，早前到蘭州探訪當地兒童，昨天他又到尖沙嘴出席該會的活動，即場落力義賣。大會安排了一班小朋友送上一張生日卡給月尾牛一的方力申，令他十分開心，方力申說：「上年畢業後我就去咗蘭州，去到嗰邊我教班小朋友數字，但相反佢哋亦教咗我要好好珍惜𠵱家擁有嘅嘢。好多謝我嘅歌迷，今日咁凍佢哋都一早起身幫手義賣。」
自從方力申被踢爆與鍾欣桐拍拖後，他表示不時有狗仔隊跟他，方力申說：「我呢排為咗馬拉松比賽而練跑，前晚我喺屋企附近跑，突然見到四架車，佢哋叫我扮跑俾佢哋影相，重話影完就走喇。之後點知重有兩架車跟我，好似魔鬼教練咁喺我後面，當時落緊雨，又叫我除衫影，最後我跑到一個地方就走捷徑返屋企。我已符合晒佢哋要求，但佢哋都唔走，今次我又上咗一課。」
採訪、攝影：王連連