零售股持續受到追捧，除咗化妝股同金行股受歡迎外，就算唔係自由行目標的新股IT（999）亦受到投資者追捧入飛捧場，博短炒一轉。
經紀黃話，除咗IT之外，市場上仍然有唔少服務零售股可以考慮，其中去年曾炒到飛起的YGM貿易（375），在星洲證券行強力推介下，近排又展升浪，噚日升3％，收15.30元，創下52周新高。不過，成交唔算大，只得64.3萬大股，金額975萬元。
經紀黃話，YGM被睇好，原因係IT以16至18倍PE招股，而投資者都受落，相對YGM貿易PE家陣造緊唔夠14倍，睇落便宜夠吸引，但實際上條數應該唔係咁計。
不過，小初就唔諗咁多，反正有星洲資金肯將股價掃高，小初呢類散戶坐下順風車亦無妨。
慕容小初