女子組合2R昨日在九龍灣出席大發Sirion新車宣傳，去年她們已為該車行宣傳，並獲贈一部車，今年她們又可獲贈新車，2R說：「就算我哋向車行提出拎部舊車換部新車，我諗都應該冇乜問題。」
2R早前返回家鄉新加坡度過農曆新年，二人異口同聲否認有豔遇，她們說：「我哋喺新加坡同一班舊同學、舊朋友玩。」家姐Rosanne又大爆妹妹Race在情人節收到禮物，Race連忙回應說：「係一個舊同學想約我唱K，我冇去，返到屋企樓下見到佢，佢走嚟送禮物畀我。」Rosanne謂妹妹已表示不會予該男士發展機會。
問Rosanne可有羨慕妹妹收到情人節禮物，她說：「冇呀，不過我都收到父母畀嘅禮物，係去河邊一齊食飯，好浪漫。」