本報昨日報道吳浩康和鄭希怡（Yumiko）秘密展開姊弟戀兩個月，吳浩康更因而與同居女友胡定欣分手。
吳浩康昨在電話中說：「我對佢（Yumiko）係有啲feel，今日見到報道都幾得意，做吓螢幕情侶，心靈上可以滿足吓，咁我又係血氣方剛嘅後生仔。」
吳浩康雖否認跟Yumiko拍拖，但言談中卻流露好感，他說：「我邊有咁好彩同人拍拖呀？邊高攀得起？佢咁高，但我又鍾意高嘅女仔。不過佢好惡㗎，Mani（經理人霍汶希）未話，佢都已經鬧我。」
吳浩康稱當晚跟Yumiko遊車河時三度難捨難離，原因是為傾偈，他說：「我哋喺車度傾偈啫，因為我會寫歌畀佢，佢喺車度重話我，叫我生性啲，佢話我輕佻喎。」
吳浩康又承認曾到訪Yumiko家，但每次都有公司同事在場，他又稱胡定欣只是要好的朋友，但並沒拍拖。
採訪：朱倬誼