五十七歲的賢叔，近月飽受耳疾困擾，更因此喪失工作機會。「原先喺遊戲機中心搵到份工，但做咗七日，俾老闆發現我聽覺有問題就炒咗魷魚，我覺得好唔抵。」
賢叔自幼弱聽，但情況並不算嚴重，還可應付日常生活和工作；去年四月，他因視網膜脫落，接受手術後，聽力便每下愈況。「我都唔知點解，總之醫生話我雙耳好多神經線死咗，屬於中度弱聽，要戴耳機（助聽器）。」失業的賢叔無力花二千多元購買助聽器，為此感到煩惱。
孑然一身的賢叔，原本任職倉務員，前年年尾失業，雖然他已很努力求職，但一直未能如願。「好多時打電話去應徵，對方聽到我五十幾歲，就即刻話請咗人。」
由於生活無以為繼，賢叔惟有申領綜援金，每月難有餘錢。「社會福利署話我未滿六十歲，又唔屬於嚴重失聰嘅傷殘人士，所以冇買耳機嘅津貼；我好擔心，如果連聽都聽唔到，我搵工嘅機會就更加渺茫。」
賢叔的個案由香港社區組織協會轉介，該會社工阮姑娘批評社署政策僵化。「社署好多時審批個案都缺乏彈性，賢叔雖然未滿六十歲，亦唔係百分百失聰，但佢經醫生評估過，實在有需要佩戴耳機。」蘋果日報慈善基金有見其需要，已撥款二千四百七十元，資助他購買一部助聽器。
捐款編號：C1629
暖流熱線
電話：29908688
傳真：23702192
電郵：
網址：