睇完噚日騎士對鷹隊嘅比賽，我已轉戰丹佛，繼續為大家報道○五年嘅明星賽。
我大約在當地時間中午三點到咗「一哩高城」（MileHighCity），初初諗住呢個城市位處高地，天氣一定好凍，重隨時會雪花紛飛㖭。點知落機後就發覺陽光普照，氣溫大約係攝氏十三、四度左右；不過一到咗夜晚，天氣竟然驟降十幾度。
喺機場裏面除咗一條大明星賽banner外，就完全冇其他有關All-Star嘅裝飾，沿途亦係一樣，但係市中心後就完全唔同晒。行人好多都着住NBA嘅球衣或者外套，四周有唔少有關明星賽嘅海報同banner等，而且當地報章都大字標題報道關於明星賽嘅消息。睇嚟呢一、兩日，當愈來愈多fans同埋球星、歌星陸續抵埗後，丹佛肯定更加熱鬧。聽日舉行嘅入樽賽；喺克城成日見到占士表演精采入樽，假如佢真係參加嘅話，相信一定會成為明星賽周末最精采一環！