工聯會三劍俠陳婉嫻、王國興同鄺志堅噚日見特首，過年前唔知係咪林煥光走咗，竟然編咗工聯會同職工盟一齊見老董，結果嫻姐哋唔肯去，於是安排噚日見面補番數。
老董一見嫻姐，就慰問佢嘅傷勢。嫻姐梗係話冇事，呢位工會悍將，雖然跌到塊面瘀晒（圖），仍面不改容，。佢同八方講，準備淡出新民主建港協進聯盟，唔再選中委會，是否退黨就未定。
嫻姐話呢度有好細緻嘅心理因素，因為民主建港聯盟個名係佢哋班創黨黨員逐字敲定，個徽號就象徵回歸，𠵱家同港進聯合併咗，需要多方面磨合，首先就係第二梯隊年輕人方面；其次就係兩黨文化。
嫻姐話，「希望合併後齊心啦！」至於佢自己睇嚟就會專注番工會工作喇。
傳真︰2623-9278
電郵︰