民主黨李華明同民建聯陳鑑林一直係九龍東一對冤家，肥仔明日前團拜時同記者表示，佢出手幫被許願樹壓傷嗰位老伯，要多得陳鑑林，因為傷者家人向陳鑑林求助不果先搵佢出面。
陳鑑林噚日睇完有關報道後即時查找不足，追問職員係咪有咁嘅事，結果發現受傷老伯家人根本冇向佢辦事處求助，佢質疑有人放冷箭詆毀佢。
陳鑑林又話要徹查事件同澄清，主要原因係唔想啲街坊以為佢見死不救，佢話自己從政多年，斷唔會話有市民上門求助而置諸不理（有時好難講），佢認為事件中肯定有人講大話，做法唔啱。
嗱，兩個都係議員，真係唔知信邊個先好。
傳真︰2623-9278
電郵︰