大年初一事先張揚話準備好喺○七年告老歸田嘅政務司司長曾蔭權，噚日同立法會班尊貴議員春茗，同佢同枱食飯嘅議員鄺志堅形容，呢位話退休後會去耕田嘅Farmer曾都唔知幾風騷，全餐飯談笑風生。
梗係啦，佢一話唔爭做特首，就不斷有大商家包括何鴻燊同胡應湘出嚟勸「不要退」，重話人才難得，真係喺個心度甜出嚟。
曾農夫嘅仕途不嬲都一帆風順，唔係點上到呢個一人之下，萬人之上嘅好位？佢日日戰戰兢兢、心情忐忑肯定係真嘅，因為由𠵱家到○七年，分分鐘都會中箭下馬，要跑到終點唔左防右防點得？好彩胡溫曾錫晒佢，咁就易做得多。
（圖）曾司長（中）全日笑騎騎，連鄺志堅（左）都話佢非常風騷，右為張文光。
傳真︰2623-9278
電郵︰