現正播映的無綫劇《甜孫爺爺》一班演員方力申、楊思琦、劉愷威等昨日在奧海城休閒茶莊出席「甜孫爺爺之甜蜜蜜派對」，當司儀問大家如何度過情人節時，劉愷威搶着說：「係咪食瑞士糖？」揶揄方力申與鍾欣桐（阿嬌）到瑞士度歲。方力申則回應說：「瑞士嗰度啲糖係捲埋唔係方形。」
劉愷威雖然全心捉弄方力申，但他不怕傷害彼此感情，他說：「兩兄弟冇所謂，高興嘢！佢收得好埋，拍劇成日見佢send短訊同講電話，有時好激，有時好甜蜜，喺側邊睇到我心大心細。佢兩個好襯，靚仔靚女。」方力申被玩後毫不介意，他說：「唔嬲，Paco（黃柏高）打電話畀我，叫我唔好黑面。」
此外，方力申昨日接受電台電話訪問，再次否認與鍾欣桐的戀情，他表示：「嗰啲所謂左攬右攬嘅相只係重叠咗，至於話我喺機艙調情，我唔再解話啦，要講嘅我都講晒，希望大家都係關注番我工作上嘅嘢。」主持人問他是否覺得阿嬌靚女，方力申表示：「咁當然啦！」
採訪：楊潔雯、李珮洳
攝影：陳慧安
