工作密集　唔敢放水
梁洛施捱壞腎拒絕再忍

梁洛施去年出道後工作甚多，高峯期更試過同時拍攝三部電影，她表示因太忙而習慣忍着不如廁，結果腎臟出現毛病，故她以後會拒絕再忍，以求身體健康。

梁洛施（Isabella）今年希望身體健康，她日前接受本報電話訪問時表示去年健康狀況未如理想，腸胃和腎臟也欠佳，歸根究柢，除因食無定時及太勞累外，工作頻繁令她難以如廁，亦是引發身體出現毛病的主要原因。

怕要人等
Isabella在電話中說：「我真係希望身體健康，因為上年太多病，成日感冒，腸胃又唔好，有段時間因為同時拍三部戲，有時去洗手間唔係太方便，又唔想人哋等，咁咪盡量忍住唔去，點知就忍出事，搞到個腎唔係太好，所以千祈唔好再忍，一有需要就即刻去洗手間。」
雖然Isabella只得十六歲，但她今年新年亦派五位數字開工利是，Isabella說：「舊年係我第一年做嘢，公司同事咁努力，應該派吓利是嘅。我都好驚㗎，派咁多錢，今個月要好慳至得。」她又笑說：「不過都好威㗎，派利是好似結婚咁，最緊要大家開心。」

內部轉移
Isabella稍後將作「內部轉移」，由英皇唱片部MusicPlus轉到EEG，經理人方面亦會轉組，她說：「我會過組呀，但大家都係同公司，同一個家庭，都冇乜所謂啦！今年我會再努力啲，希望工作有成績。」
採訪：朱倬誼
攝影：仇志德
服裝：SistyrMoon
場地：金滿庭（奧海城）