呢排除咗工業股備受注視外，零售股亦為芬佬和散戶追捧。經紀黃話，只要新年期間行過銅鑼灣及尖沙嘴等地區，就知道自由行以及本地消費力有幾強勁，唔少零售股陸續公布業務，增長數字不俗。
衫褲鞋襪之外，金舖係自由行必到之處，有留意價值，而甚受投資者同炒家歡迎的恒豐金（870），由於正在搞緊供股，睇怕有一段時間靜。經紀黃話，不妨留意六福集團（590）。
六福去年12月公布中期業績，中期盈利6479萬元，主要受惠於經濟復甦同自由行。聽講六福的客戶，好大部份係來自內地同胞。另外，六福近月出售一些物業，亦錄得收益。
六福被包括金手指在內的芬佬睇中，持有唔少股份，唔排除陸續有其他芬佬跟風。股價昨升1.94％，收2.625元，成交197萬元。
慕容小初