林嘉欣在新片《後備甜心》扮演一個後備情人，接受男友同時擁有多個情人，但戲外她則決不會與別人分享一個男人，亦不接受男友花心，要男友只愛她一人。
林嘉欣日前在銅鑼灣宣傳《後備甜心》，她在戲中與胡兵飾演的男友拍拖兩年，但對方有好多女朋友，雖然她一直做足女朋友本份，還癡心地以為男友只愛她一人，但最終並無好結果。
戲中女主角與嘉欣本身完全是兩種人，現實中的她不會做後備，她說：「戲中女主角好儍，但我好理智，如果拍拖之後知道男友重有其他女仔，我會退出，因為佢唔夠愛我。」
不過嘉欣原來也有失去理智的時候，她說：「我同個男仔分手之後，重暗戀咗佢一年，因為分手時佢同我講咗句『takecare』。就算散咗，我都係怪自己做得唔夠好，畀自己好多藉口，真係好儍，其實我唔係真係咁喜歡佢，只係唔甘心。」
嘉欣感情理智，但與男友陳光榮拍拖，也不失情侶間的生活情趣，她溫柔地說：「天氣轉涼，可以靜雞雞喺佢個袋放件毛衣，有啲嘢講唔出口，但可以喺細微生活上做出嚟，比用口講出嚟更到肉。」
剛過去的情人節，嘉欣在工作中度過，雖然是他倆首個的情人節，但嘉欣並不覺可惜，她說：「只要平日對我好，每日都可以係情人節。」
採訪、攝影：魯萍 化妝：KeiKei
髮型：KenjiofllColpo 形象：JosephwoneofPojohowo
