泡沫黨今屆一席立法會議席都冇，結果成個黨送咗畀民建聯。其實一個黨生唔生存到，唔係靠有幾多議席，好似民協咁，曾經都試過一席都冇，但之後都生存到冇問題！黨主席馮檢基重雄心壯志咁講，民協五十年後，應該有希望可以做到執政黨！
基哥日前與廖成利同記者食飯，講到民協未來嘅發展。廖老虎話，未來十年會集中經營好九龍西地區工作，人哋英國工黨創黨之後，等咗五十六年先至有機會執政黨。
基哥之後就加多句話，每個區都做十年，咁五十年後就做晒五個區，可以做得執政黨啦，到時特首就要由佢哋嘅孫做啦！
講到合併，基哥話，其實政團如果有條件生存得到，就唔使同人家走埋一齊，最重要都係要搞好自己個黨，只要有實力就唔使驚。
傳真︰2623-9278
電郵︰