無綫電視劇集《衝上雲霄》口碑唔錯，聽講話想拍續集，國泰航空企業傳訊總經理黃家倫同八方話，國泰都好有興趣再同無綫合作拍續集，如果真係成事，劇中嘅航空公司就唔會再用「飛揚航空」呢個名，而係正正式式用番國泰航空。之前《衝上雲霄》曾經俾人話感情線太強，成日講機師嘅埕埕塔塔，黃家倫就話好彩劇中人無亂搞男女關係，而且成套戲無奸角，好正面。
至於男主角，佢話國泰機師不乏靚仔人選，重有一個「國泰馬德鐘」㖭，呢位機師先生成日幫國泰拍宣傳硬照。話時話，由國泰機師合作寫嘅《翹首振翅──香港機師手記》，就嚟喺台灣同國內出版，八方聽聞，國泰又打算今年稍後再出另一本機師手記續集、同埋空姐手記。
傳真︰2623-9278
電郵︰