組合Cookies成員Miki在情人節剛度過二十歲生日，她收到Cookies成員送上心意禮物，Stephy送利是，Kary則送上可愛內衣套裝，惜緋聞男友徐天佑不在場，無緣分享。
女子組合Cookies成員Miki於剛過去的情人節度過二十歲生日，適逢今年農曆新年她要到加拿大演出，故生日當日就在返港的飛機上度過，落機時Miki獲大班歌迷送禮祝壽，而Stephy、Kary及Theresa等都在返港後翌日為Miki補祝生日，同場還有PingPung成員及唱片公司同事，不過緋聞男友徐天佑則缺席。
Miki今年二十歲生日可謂大豐收，收禮物收到手軟，她說：「Theresa喺加拿大已經送咗份禮物畀我，係乜我唔講，總之係神秘禮物，Kary就送咗套內衣，套內衣真係勁靚。」
當Kary拿出內衣套裝時，竟有人表示尺碼不適合Miki，要求她即場試身，但Miki只肯放在身上度身，而Stephy則最實際，送上利是一封，祝願Miki賺得盤滿缽滿。
提到生日願望，Miki表示去年事業進步不少，拍到好電影及電視劇，希望今年可以再接再厲，機會接踵而至，Miki說：「我重希望世界和平，少啲天災，其他三位Cookies成員都一樣幸福快樂，佢哋開心，我都會開心。」
