許志安昨天在西貢綵排演唱會，他練習吊在十呎高空做動作，如凌空翻騰和後空翻。今次是安仔第二次試吊威吔，綵排期間安仔曾試過腰間安全帶的扣鬆開，事後安仔提起也不斷說好驚，他說：「真係暈暈哋，我每次打完觔斗就會潛意識摸吓安全帶嘅開關掣，頭先都幾驚！公司為呢個演唱會幫我買咗四千萬保險，雖然呢一環節最危險，但我唔想用到。」
問安仔在真正表演時可會戴上護陰？他說：「唔使，𠵱家安全帶改良咗，舒服得多。我覺得喺觀眾頭上飛好浪漫，實留下美好嘅回憶。」而他請了陳奕迅、李克勤和陳慧琳等做表演嘉賓，問安仔可會請梁漢文和古巨基合唱，他說：「嘩！咁咪要開兩枱麻雀？」
採訪、攝影：王連連