噚日電盈搞春茗，八方當然要去撞吓大老細李澤楷啦！不過，等嚟等去，都只係等到電盈副主席兼董事總經理蘇澤光（圖），Jack蘇話，小小超噚日咁啱出咗埠，所以嚟唔到喎。八方心諗，電盈雖然縮咗水，但假假哋都係藍籌股，唔通小小超做緊更大件嘅嘢？
Jack蘇又話，電盈同網通嘅合作進展良好，好快會有好消息公布。不過，問到佢幾時會公布，佢只係笑笑口咁叫大家唔好咁心急，一有最新消息就會講。有行家問佢新年願望係乜，佢老哥諗都無諗就話「將電盈再做好啲」，小股東都希望佢願望成真。
傳真︰2623-9278
電郵︰