對新來港的阿雲來說，能夠在短短兩個月內找到工作，已經十分幸運，她期望靠自己雙手，可以跨度困境。「𠵱家屋企真係好慘，幾乎冇飯開，我哋已經兩個月未交租、重欠落好多煤氣費，都唔知點算。」阿雲向記者訴說苦況。
二十九歲的阿雲與丈夫、五歲兒子及家姑同住。其夫原本任職三行，但近年經常開工不足，去年十月至今更陷於完全失業狀態，一家四口生活由其家姑當清潔工人獨力維持。「我奶奶已經六十歲，又有糖尿病，但為咗頭家，都要出嚟做嘢；不過，佢搵得唔多，扣咗車錢、飯錢，實際得二千幾蚊人工，開飯都好勉強，根本冇多餘錢應付其他雜費。」阿雲坦言，連月來也靠借貸度日，經濟壓力很大。
阿雲早前在社工協助下，在超級市場找到售貨員一職，月薪約有五千八百元，並將於本月下旬正式上班。可惜阿雲現在身無分文，連開工錢也欠奉，她為此憂心忡忡。
「我至少要捱一個月先有糧出，但𠵱家屋企一個仙都冇，我擔心冇錢返工，連唯一希望都冇埋。」
蘋果日報慈善基金了解過阿雲的情況，已即時撥款七千元，助其支付兩個月租金、煤氣欠費及讓她應付短暫生活費。
捐款編號︰C1627
暖流熱線
電話：29908688
傳真：23702192
電郵：
網址：