泰興（389）自從過年前批股唔成，股價由6.80元高位急跌，昨日終於止跌回升，升2.48％，收6.20元，成交縮至88萬股，金額538萬元，反映要沽的投資者已沽得七七八八。
經紀黃話，雖然泰興配股唔成，但不宜睇得太淡，低位可博反彈，或者配股一事會捲土重來。
泰興上次配股唔成，據講係美國投資者想等埋泰興想收購的美國眼鏡連鎖店盤數，家陣本收購通函出咗嚟，投資者想要的數據應該齊晒。況且在批股之前，泰興除咗大股東密密增持外，據講有唔少芬佬在高位買咗貨，反映佢哋其實睇得相當好，因此隻股不宜睇得太淡。
另外，公布收購大陸傳媒的友利控股（419），在連升多日後，噚日公布有意配股集資。經紀陳話，江湖傳聞友利今次伸手的胃口唔細，係以億元計。
友利昨日一度低見0.135元，但好快已反彈，收0.151元，再升3.43%，成交繼續誇張，股數3.92億股，金額5834萬元。
慕容小初