由息影女星邱淑貞丈夫沈嘉偉創辦嘅I.T，噚日喺蘭桂坊舉行上市推介會，原來佢嗰股份冧巴好犀利，就係「999」。不過，噚日邱淑貞就無出席推介會，幫手做形象設計嘅張曼玉亦都無嚟，令到好多基金經理好失望。
另外一隻招股嘅新股台資公司「新焦點汽車技術」，個記者會險告流產，記者們由下午三點乾等到過咗五點半，至可以攞到新聞稿同推介資料。原來新焦點噚日早上至簽份包銷協議，因為要等齊人簽名，故最後遲咗交文件畀港交所，幾乎搞到註冊處收工至攞到登記批准，結果成個記者會都冇招股書睇，想問深入啲都唔得。
傳真︰2623-9278
電郵︰