徐子淇去年中與恒基太子李家誠拍拖，她早前透露與男友在英倫共度首個甜蜜情人節。她又大讚男友有愛心、上進心及疼錫她和其家人，她又謂希望可以騎着白馬在沙灘舉行浪漫婚禮。
徐子淇登上婚紗雜誌《新婚通信》二月號封面，她穿上香港設計師DorianHo多件晚裝，大談戀愛與婚姻。徐子淇去年與恒基太子李家誠擦出愛火，日前二人在英國共度首個情人節，徐子淇在訪問中說：「我會交畀佢安排節目，一直以嚟都好想喺冰天雪地下過情人節，不過其實只要兩個人相愛，一齊度過就好足夠，唔會刻意期望太多，有時順其自然會嚟得更加舒服。」
徐子淇續說：「我覺得兩個人相處，最重要係互相遷就，因為大家嚟自唔同家庭、唔同成長背景。我係一個追求穩定關係嘅女仔，好需要另一半畀我安全感。」與男友李家誠感情穩定，徐子淇有望嫁入豪門，她在訪問中也坦言對方符合作為其伴侶的條件，她說：「未來老公首要有愛心，第二要有上進心，另外當然要錫我同屋企人啦，佢都達到呢啲條件，各方面都好好，我好欣賞佢！」
訪問中還問到徐子淇的dreamwedding，她透露小時候很渴望擁有自己的家庭，曾想成年時就結婚，她說：「我細個睇《仙樂飄飄處處聞》，好希望有公主童話式婚禮，又想過好刺激咁吊住威吔結婚。𠵱家就覺得簡簡單單就好，最好喺沙灘上，我着件婚紗、騎白馬同另一半一齊入場，嘉賓只有幾個好朋友同家人，咁已經係一件好浪漫嘅事！」徐子淇更已計劃屆時穿修身和純白的露肩婚紗行禮。