本欄是勞工處與《蘋果日報》合辦，逢星期四刊出，旨在為勞資雙方解釋有關僱傭問題，如有任何疑問，可致電勞工處熱線：27171771查詢，此熱線會由「1823政府熱線」職員接聽。
老公：老婆，做乜今日年初九，你重喺度執屋，你過年前唔係已經同間屋洗完邋遢嘅咩？
老婆：你唔好阻住我啦。我喺度搵嘢，唔係執嘢。
老公：咁你搵乜嘢呀？
老婆：我搵緊我以前做過嗰幾份工嘅資料，我想寫封求職信呀。
老公：你𠵱家份工咪做得幾好嘅，無端端點解要轉工呀？
老婆：我今日睇報紙，見到有份工好啱我，而且工作地點又好近屋企，我想慳番啲返工放工時間，咁就有多啲時間照顧你同阿女啦。
老公：你對我哋真係好！
老婆：你知道就好喇！……呀，究竟放咗喺邊度呢？唔係過年前當垃圾揼咗嘛！
老公：你再搵真啲。其實，除咗啲工作資料之外，僱傭合約同埋糧單呢啲僱傭紀錄都好有用，佢哋唔單只可以方便搵工，重可以用嚟保障我哋打工仔嘅權益，所以千祈唔好亂咁揼呀。你記得早排公司咪計少咗佣金畀我嘅，好彩我自己有keep住啲紀錄，先可以同老闆對番啱條數喳。
老婆：咁我應該點做呀？
老公：我知道勞工處出咗個《僱員保存僱傭紀錄資料夾》，我哋一陣上去勞工處個網頁
資料提供：勞工處勞資協商促進科
服務熱線
電話：29908288
傳真：23702192
電郵：