咪以為以前成日喺電台鬧人嘅鄭大班仇家多，佢喺橫頭磡嘅議員辦事處噚日開幕，出席嘅嘉賓可謂星光熠熠，唔少高官親臨祝賀或者送花牌。出席嘅高官除咗財經事務局局長馬時亨、經濟發展及勞工局局長葉澍堃之外，梗唔少得大班嘅老友、政務司司長曾蔭權。曾司長噚日好準時到達，但開幕禮卻遲遲未開始，原來係大班嘅舊柏檔林旭華姍姍來遲。至於黃毓民、李鵬飛都有出席，大夥兒聚首一堂，真係重熱鬧過趁墟。
（圖）大班嘅議員辦事處噚日開幕，除咗同區嘅李華明（中）畀面出席外，當然唔少得大班老友煲呔曾（左）啦。
區民傑攝
傳真︰2623-9278
電郵︰