噚日係新春酒會高峯期，一日有成六、七場咁多。不過最多官畀面嘅，就係鄉議局嗰場，差唔多大半個政府搬咗去個酒會，反而民政事務局自己搞嗰個，八方淨係見到三、四個問責高官。
新界王劉皇發、財經事務及庫務局局長馬時亨、同埋中聯辦副主任周俊明，都向記者派利是。發叔每年嘅慣例係一百蚊，馬時亨就派五十蚊，周俊明就二十蚊，可謂派利是一國三制，八方希望𢭃咗呢三封利是嘅行家，今年行大運，刮多啲好新聞。
另外，長毛噚日就去咗民政事務局同禮賓府嘅酒會示威，佢入咗去冇耐就出返嚟，佢同行家講，民主黨單仲偕同啲大狀都喺度，佢連口號都未嗌晒，就已經俾人請返出嚟。
（圖）新界鄉議局新春團拜，馬時亨局長（左）大派利是畀記者。
傳真︰2623-9278
電郵︰