政協人大兩會就嚟到，八方問啱啱片完民主黨嘅飛哥，會唔會喺會上提個案講吓香港？點知飛哥話，佢出院後就馬上打電話搵中聯辦商量，問吓可唔可以請病假唔去北京開兩會，不過佢重考慮緊，睇吓過多兩個禮拜後，身體情況點先做最後決定。
中聯辦就同飛哥講，健康最緊要喎，不過就算佢會上京開會，相信除咗啲全體大會外，其他小組會都唔會參加，亦都唔會提案，費事太操勞啦。飛哥好口密，點都唔肯同八方講究竟有咩病，淨係話醫生叫佢唔好講，冇需要向公眾透露。八方聽聞，飛哥個肺好似有啲事，都幾大單，不過，飛哥話好番就最好。八方都希望飛哥新一年身體健康，唔好事事太上心。
傳真︰2623-9278
電郵︰