好姨收情人禮元宵拆驚喜

昨天是人日，新城電台特別舉行新春團拜，許志安、2R、梁洛施（Isabella）和薛家燕（好姨）等人應邀出席。其間，歌手們互相餵吃柑子，一片喜氣洋洋。
記者問好姨如何度過情人節，她即甜絲絲說：「我哋同一班朋友食飯，朝早收到男友嘅花同埋一份禮物，佢叫我元宵先拆，我都驚驚哋，唔知係乜。」被問到若收到戒指會有甚麼反應時，她說：「我咪戴囉！其實我哋未到呢個階段，我仍然以事業為重，男婚女嫁嘅事諗吓先，問吓家長先啦！我爸爸都叫我諗清楚。其實我慣咗派利是，所以嗰日見佢都有派利是畀佢。」

恭賀方力申
安仔透露他的演唱會會由黃子華訪問自己，記者稱鄭秀文早前的演唱會亦有類似的表演環節，安仔即時反應很大的說：「唔係，你都唔知子華會講啲乜。」對於方力申與鍾欣桐拍拖，安仔說：「係咪都會恭喜佢（方力申），我都會打畀佢問吓。」Isabella則說：「唔知係咪真嘅。」
此外，新城於新一年有人事調動，甘國亮會擔任董事總經理，而前台長朱明銳將擔任新城娛樂台及資訊台的營運總監。好姨主持的節目《家天下》將會加長一小時，並在珠三角播出。