香港仔珍寶海鮮舫停車場外牆有個足足五層樓高嘅廣告（圖），廣告上面兩隻狗仔非常趣致，吸引唔少目光。呢個巨型廣告原來係賭王愛子、珍寶海鮮舫揸弗人何猷龍送畀老婆羅秀茵嘅「生日卡」，而兩隻狗仔就係佢哋嘅寵物。
珍寶海鮮舫所屬嘅新濠集團股價，因為「濠賭」概念升完又升，何猷龍舊年表示會斥資三千萬，將珍寶海鮮舫改造成一個集合國際多元文化嘅主題公園，目標係吸引一般市民一家大細去食飯玩樂。海鮮舫生意如何，八方唔多清楚，但睇到呢個廣告，可以肯定何猷龍係一個愛妻之人。
傳真︰2623-9278
電郵︰