美銀亞洲每年都會舉行傳媒春茗，今年都唔例外，噚日喺中環美國會，擺咗三圍招呼記者，每個人嘅座位前面，亦都例牌擺咗一張賀卡同一份紀念品。佢哋嘅行政總裁錢乃驥上台致辭時，就提到枱上張卡，佢話「今年同往年唔同，枱面上嘅係一張賀年卡，唔再係聖誕卡，而且卡面上重係一隻中國嘅公雞，唔再係火雞。」唔知係咪美國銀行因為要喺中國做生意，今年特別入鄉隨俗，所以喺雞年就用大公雞做賀年卡。
唔單止卡，重有嗰份紀念品呀，係一個常滿嘅米缸錢罌，認真好意頭。咁夠「中國化」，睇怕美銀已經做足功課，要喺中國市場大展拳腳喇！
傳真︰2623-9278
電郵︰