「今個新年我冇出街，始終𠵱家唔係用電動輪椅，出入好唔方便，費事老婆推得我咁辛苦。」徐伯無奈地說。
年近七十歲的徐伯，多年前動過脊骨手術後，行動不便，加上前年不慎𨄮倒，跌斷大腿骨，從此要在輪椅上度過。徐伯現家中只有一部手動輪椅，要老伴協助他出入，惟徐妻本身也身體欠佳，要長期照顧徐伯，身心疲憊。
「我哋屋邨附近斜路多，我成日要推佢出入，真係好辛苦，始終我自己年紀都有番咁上下。」五十多歲的徐妻說。
職業治療師早前替徐伯進行家居評估，建議他添置一部電動輪椅，以解決起居生活的困難，惟有關費用約須三萬三千元，對於經濟拮据的徐伯夫婦來說，簡直是天文數字。
徐伯受傷前從事機械維修，目前已退休，徐太為照顧他，被迫辭去文員工作，兩老生活開支現由一對子女分擔。徐伯的長子當散工，開工不足，次女則為文員，收入低微，家庭經濟貧乏。
徐伯歎道︰「呢幾年為咗醫病，所有積蓄都用晒，再加上𠵱家我兩公婆都冇做嘢，仔女搵錢又唔多，根本冇可能儲到幾萬蚊買部電動輪椅。」徐伯盼善長施以援手，助他達成心願。
捐款編號︰C1602
暖流熱線
電話：29908688
傳真：23702192
電郵：
網址：