韓國女星崔智友早排慘被大學除名，但另一位同佢一樣成日休學嘅韓國女星金喜善就比佢好彩得多，金喜善九五年入讀韓國中央大學，最近間大學決定喺後日頒發畢業證書畀佢，完全係因為金喜善曾經為間學校嘅大學發展基金做廣告代言人籌款，幫學校搵唔少，所以學校畀佢畢業之餘，重頒多個「青龍功勞獎」畀佢，真係好嘢！