前晚情人節朱玲玲到尖沙嘴文化中心欣賞荷蘭爵士天后LauraFygi的音樂會，是夜正是其夫霍震霆的生日，但霍震霆出外公幹，朱玲玲與女性友人一同赴會。當獲大會安排的小孩獻花時，朱玲玲心情愉快，似乎不愁寂寞。
荷蘭爵士樂天后LauraFygi前晚情人節在尖沙嘴文化中心舉行音樂會，城中不少名人都一雙一對出席，包括歐米茄大使任達華夫婦、魯平媳婦姚珏夫婦、余錦遠陳家碧夫婦和葉麗儀夫婦等。
朱玲玲與女性朋友結伴赴會，前晚是其夫霍震霆生日，雖然未能與夫婿拍拖聽音樂過生日兼情人節，但心情依然極佳，大會安排小孩送花給她時，更展露燦爛笑容。記者事後致電霍震霆祝他生日快樂時，他表示已出國公幹，他說：「多謝關心，我𠵱家喺北方，所以生日都喺外地過。」
而任達華琦琦夫婦剛迎接新的小情人，即小女兒任晴佳，所以今年情人節三人一起過，任達華說：「今年係第一個三個人嘅情人節，不嬲我都覺得情人節係春天嘅開始，提醒自己努力工作，今年有兩個情人，所以特別多工夫，已經叫晒工人喺停車場開始掛滿玫瑰花，由佢哋一踏入門口已經充滿玫瑰花。」
任達華續說：「禮物方面，我已經送咗隻綠寶手表畀琦琦，而囡囡方面，唔可以太縱，要對佢有獎有罰，舊年我已經買定本寓言故事書畀佢，可以每晚講一個故事畀佢聽。」琦琦亦表示忙於照顧小晴佳，已經不亦樂乎，她說：「好在已經請咗兩個好有經驗湊BB嘅工人，可以放心出街，因為湊BB，自己都忘記收身，加上𠵱家餵人奶，食嘢都要清淡啲，以前好鍾意食豬手，麻辣火鍋都有食。」
採訪：DebbieLum
攝影：ChenWaiOn
