韓風愈吹愈猛，不論韓星或電影，香港、日本、歐美無遠弗屆。要數至受歡迎的女演員，悲情女角崔智友必定係其中一人，最近她當選為日本人最喜歡的南韓藝人，更成為超級名牌Dior護膚品的首位韓星代言人！今次遠赴首爾（漢城）專訪崔小姐，這位前模特兒更首次為香港Fans透露，簡約但高貴的裝身之道！
記者及部份攝影：梁珮瑜
情迷簡約牛仔褲
身高174厘米的崔智友，Carry任何衣飾都應該無問題，但她始終情迷牛仔褲。「平日最愛輕便及自然的打扮，愛牛仔褲，最緊要剪裁設計簡約！其中Bootcut的BlueJeans係至愛，襯恤衫感覺舒服自然，而顏色都鍾意簡單一點。」崔大部份角色都係溫婉女子，而戲中服飾其實都有90%似佢本人喜好。
Dior手袋推介
出街必帶靚手袋，崔智友推介Dior春夏手袋，愛其手挽款式簡約又易襯，顏色首選春夏必備的米、白色或粉紅色！（春夏新貨約二月尾到港，售價未定。）
着重Accessories配搭
衣着鍾情Clean&Simple，但崔智友好着重Accessories的配搭，襯衫必備靚靚耳環、頸鏈、手表等配件。貼士係飾物配件喺簡單裝束中，有畫龍點睛之效，令人感覺簡約但搶眼！
手表
戴HarryWinston
喜愛的手表牌子，其中一個係美國珠寶名牌HarryWinston，伊利沙伯女皇、溫莎女公爵等皇室貴族及荷李活紅星都係擁躉。手表系列堅持採用頂級珠寶及K金、純白金等製作。採訪當日崔就戴上HarryWinston過百萬港元的LadyPremierChronograph鑽表。
飾物推介
金、銀等顏色首飾最易配襯，而不論長髮或束起頭髮，崔智友都愛戴搶眼兼女性化的吊墜耳環，而簡約但細節的戒指、手鏈、頸鏈，都是她的必備推介。（春夏新貨約二月尾到港，售價未定。）
PrettyDior春夏系列
心形配Swarovski水晶頸鏈（約$5,900）
售賣點：Dior（25227938）
金鐘太古廣場347舖
崔智友品味進化史
睇電視播韓劇，憑演員的衣着造型，有時真係好難估計套戲嘅年份，服裝設計好似永遠都停留喺80年代，有股「娘」味。睇亞視近排連環勁播崔智友的劇集：《新貴公子》、《美麗的日子》、《藍色生死戀II》，發現當演員前係模特兒的崔小姐，在眾星中實在係較有品味的一個，高貴或清純一樣以簡約為主！
