男友多人吼　出街犯女人憎
LisaS.情人節唔敢會吳彥祖

吳彥祖的名模女友LisaS.昨日到大埔超級城出席情人節活動，問她今天情人節與男友有甚麼慶祝活動時，她迴避地笑謂會與心愛的芝娃娃愛犬扮靚靚然後上街吃飯。對於有指吳彥祖是不少女士的夢中情人，LisaS.笑說：「唔怪得有時行出街覺得啲女仔憎我。」

混血女模LisaS.、陳小韻及田蕊妮昨日在大埔超級城與六對公公婆婆預祝情人節，大玩情人節遊戲。問LisaS.今日情人節與男友吳彥祖（Daniel）有甚麼活動時，她大耍太極說：「Daniel喺香港，不過我會同心愛嘅芝娃娃小狗扮靚靚，送一枝玫瑰畀佢，帶佢出街食飯。」

羨慕祖父母恩愛
問到最難忘的情人節時，LisaS.表示是有一年與其祖父祖母一起度過，她說：「睇到佢哋咁大年紀重咁恩愛，好難得。」LisaS.更謂每個女士都希望找到一生一世的至愛伴侶，問Daniel會否是她心目中的Mr.Right時，她則笑說：「我唔知道。」隨後記者告訴她Daniel擁有不少女士夢中情人的元素，她即說：「係咩，啲女仔咪好憎我，唔怪得有時行出街覺得啲女仔憎我。」
此外，陳小韻透露今天已經安排了節目，問她是否有新情人？她說：「之前都有人追，𠵱家有適合嘅，不過唔方便透露，因為人哋係圈外人。」

父親返港享天倫
陳小韻表示已多年沒有在香港過新年，所以今年在港度歲特別開心，她說：「因為好多親戚都唔喺香港住，所以一向都冇𢭃太多利是，不過爹哋今年返嚟香港同媽咪一齊過年，好開心。」
採訪、攝影：JessicaNgan