猴年金股滙都有景，八方唔少老友都發咗筆小財，今年準備再搏殺。而雞年第一隻做上市招股「路演」嘅新股，就係息影女星邱淑貞老公沈嘉偉創辦嘅I.T。I.T話晒都係潮流時裝零售店，舉行路演嘅形式當然都要十分潮，有別於一般公司請班芬佬喺酒店食餐晏咁行。
八方聽聞，I.T打算今個星期三收市後，喺中環蘭桂坊近期至熱蒲點、連星爺周星馳早排都去過嘅Volar搞雞尾酒會，重有時裝表演助興！暫時未知國際影星張曼玉會否以izzue.com品牌形象設計總監身份出席。八方估計，一班芬佬都希望到時能夠見到伊人嘅風采，如果沈老闆夠牙力，對認購反應一定有幫助。
傳真︰2623-9278
電郵︰