自從南亞海嘯之後，相信又多咗人識得民主黨主席李永達個老婆陳樹英（阿Tree），英姐同達仔離過婚，但之後又復合，佢最近應港台邀請，寫咗封公開情信畀達仔，談情說愛都不忘「民主大業」，真不愧為主席夫人。
英姐喺信裏面話，同達仔分離嘅時候，好唔容易先至克服「愛恨交纏的怨憤」，讓民主大業壓倒兒女私情；而達仔就見到海嘯嘅生離死別，先省悟民主大業之外，兒女私情喺生命中都好重要。佢重話，達仔要喺「大我」同「小我」中取平衡；而佢就要喺「大女人」同「小女人」中掙扎，真係偉大。
英姐同八方講，封信都寫咗兩粒鐘，至於今日情人節，佢哋都冇乜特別慶祝啦，都係去食吓飯。禮物呢？佢就送咗件jacket畀達仔，因為知道佢冇乜衫；達仔就話會送條鏈畀佢，總之唔好送花畀佢就得啦，因為花插一陣就冇咗！
傳真︰2623-9278
電郵︰