電子傳媒收聽率權威調查嘅ACNielson公布《光明頂》嘅陶傑已取代鄭大班成為商台最受歡迎嘅電台節目主持人。
八方問陶傑，做咗「香港第一才子」，跟住又做埋「商台第一咪」有乜感想？才子話唔好太張揚，中國人社會盛行紅眼症，妒忌心咁重，連城中首富，都會樹大招風，呢個時候俾人嗌第一乜乜、第一物物，隨時又成為某啲偽親中文人打擊目標。
「不過都要多謝商台同港台，一個俾機會我，一個十年前開始俾我做《講東講西》起家。」陶傑話，重要多謝三個女人，依次為廣播處前處長張敏儀、湯多㩒周凱旋，同埋俞琤。
驚唔驚做咗第一，就離封咪不遠？陶傑大笑：「我同大班毓民唔同，佢哋批判中董政局，我就笑談中西文化，我唔肉緊，講嘢理性、幽默、含蓄，好英式，若然咁都要收聲，我冇所謂，不過香港呢個地方到時重適唔適合正常人住，香港人自己諗喇係咪？」
傳真︰2623-9278
電郵︰