近排成日講數碼港，令八方諗起當年大力支持香港搞高科技嘅田長霖，佢當年重好落力游說啲地產商支持數碼港發展。𠵱家一講數碼港，個個都話係官商勾結，唔知仙遊咗嘅田長霖會點睇呢？
講開田長霖，八方噚日睇美國嘅中文報紙《世界日報》，佢個仔田之楠講番佢老竇。田之楠話，做人就好似鑄劍咁，要經過烈火嘅燒煉先至可以鑄到把好劍，佢老竇嘅成長就經歷咗好長時間嘅錘煉，先至鑄造到佢嘅性格，相信將來都搵唔到「同一把劍」啦。八方覺得田之楠講得幾好，不過鑄把好劍除咗烈火，都要睇睇舊鐵本身掂唔掂。老董就係好好嘅例子，鑄咗成七年幾先至知錯，就算畀佢再鑄多兩年，睇怕都係爛鐵鑄唔成劍，更唔使旨意會變成鋼啦！
傳真︰2623-9278
電郵︰