早前俾某周刊影到成日「泡洋妞」嘅長毛梁國雄，噚日情人節前夕聯同青年公社同香港彩虹成員，去旺角行人專用區派發內附安全套嘅情人節心意卡，大力宣傳「無分性別，平權戀愛」嘅訊息。長毛講笑咁話，佢今次唔單止冇嬲到嗰本周刊寫「衰」佢，反而重要多謝嗰本周刊嘅狗仔隊，如果唔係好易俾人誤會佢係同性戀者。長毛咁鄭重聲明自己唔係同性戀者，唔知係咪想喺雞年識番個女友呢？不過話時話，長毛的確幾有女人緣，唔止洋妞對佢「嗒糖」，噚日喺旺角街頭，唔少女性喺攞安全套時，都爭住問佢攞簽名，真係魅力不凡。
講番噚日嘅活動，主辦單位除咗上演街頭劇外，重公布同性戀者喺情人節最頭痛嘅拍拖節目調查結果，結果就由「喺大庭廣眾親嘴」同「手執鮮花逛街」分別位列頭兩位。
傳真︰2623-9278
電郵︰