高官成日話香港要成為乜港物港，但民以食為天，對於升斗市民嚟講，香港最好嘅都係有種種美食。港台節目《開心日報》製作〈我的驕傲〉系列節目，奧運乒乓球雙打亞軍高禮澤（圖）話由內地嚟到香港，發現香港比想像中更好，喺佢心目中，香港最值得驕傲嘅唔係乜嘢大型建設、大project，而係最地道嘅大牌檔美食，當中又以鑊氣十足嘅小炒最令佢回味，佢話一諗起已經流口水垂涎三尺。
歌星陳慧琳亦係為食之人，更將機場同蝦餃、燒賣相提並論，佢話香港點心直情係世界一流，最值得香港人引以為傲；至於「風之后」李麗珊則盛讚維港最令佢覺得驕傲，珊珊話雖然曾經外遊去過無數地方，但維港景色始終係首屈一指。
傳真︰2623-9278
電郵︰