曾經主演過《雷霆救兵》嘅荷李活男星湯西斯摩亞（TomSizemore），早前因吸毒同毆打前女友凱迪菲莉絲（HeidiFleiss）而獲判緩刑，不過湯西斯摩亞接受緩刑期間，喺差館進行例行尿液檢驗自知身有屎，居然喺孖煙囱入面收埋一條載住「冇料」尿液嘅假陽具，結果被警方發現，現時警方告佢違反緩刑條件，並將佢收監，直至今個月二十四日案件開審為止。