吳文忻現正與出版社斟洽推出美容書，希望將多年的扮靚及纖體經驗與大家分享，若成事的話，預計在書展前面世。吳文忻日前在將軍澳說：「我由選港姐到𠵱家，尋求好多美容方法，有啲方法幾變態，我鍾意做白老鼠實驗。扮靚係女人一生嘅工作，成日都要不停試啲美容減肥產品，我試過每朝一早空肚生吞十粒黑豆，話有排毒功效，我自己就OK，係得嘅。起身眼腫就飲齋啡，消腫好有效，用奶粉沖涼可以美白，加片糖沖涼就滋潤。」
除此之外，吳文忻曾試過用梅花針方法挑雀斑，結果搞到爛面一個月，她說：「當時我整到成塊面爛晒，因為咁而接唔到電影㖭，雖然個中醫有賠足錢畀我，但爛面好難受，嗰時重好嬲㖭！」
採訪：朱倬誼
攝影：陳慧安
服裝：SistyrMoon