薛凱琪昨日在鯉魚門廣場出席賀年活動，並與現場市民大玩遊戲，由她主演的電影《早熟》昨日復工，她透露已向飾演其父母親的黃秋生及余安安拜年，並向監製方平及導演爾冬陞𢭃利是。
薛凱琪表示今年有向工作人員派利是，問她與黃秋生合作會否感到壓力，她笑說：「我之前都有同佢食過飯，唔驚佢，不過秋生同我講，『你𠵱家唔驚，到時就會驚』，不過我覺得同佢合作，我要背熟啲劇本，同埋會喺佢身上學到好多嘢。」
此外，薛凱琪表示與余安安合演母女的感覺很親密，其中有場戲余安安更主動錫了她一啖，她說：「因為佢同啲女關係都好close，成日會互錫大家，所以嗰場戲佢主動錫我，現實中我同媽咪都好少會錫大家，最多係蹺吓手咁。」