聽日就係2月14日，又係一年一度情人節，先不論你已經安排咗咩嘢節目度過，其實亦可以從愛情片內抄橋；電影世界招數，亦可帶進現實生活中使用，以下幾套愛情片，就可以供各位作參考，預祝各位有個甜甜蜜蜜嘅情人節！
記者、攝影：許福合
ImageGirl：Winnie
《真的戀愛了》星級戀愛故事
《真》卡士陣容非常強，曉格蘭特、尼安里遜、羅娜蓮妮及姬拉麗莉等，粒粒皆星，上畫時已受好評，擁有愛情片最需要嘅睇得「舒服」，同有唔少「感動」位，加埋配樂選曲不俗，令人印像深刻！
故事主要分為幾個單元，有新任嘅單身首相愛上美麗女幕僚、遭受失戀打擊作家前往法國南部療傷，卻在湖畔找到真愛、亦有嚮往愛情嘅美國女郎，想要鼓起勇氣向暗戀對象表白等；故事人物雖然多，不過同樣圍繞追尋浪漫愛情，值得一讚係雜而不亂，編劇條理清晰，不會出現唔知睇緊那一個故事嘅感覺，相當流暢。
售價$68
《玩轉男人心》中年人幽默感
《玩》以輕鬆幽默手法，帶出中年人喺愛情路上如何尋覓真愛，令人睇得舒舒服服。男主角積尼高遜用上老練嘅演技，將角色演活過嚟，更令到未到中年嘅觀眾亦有所共鳴，尤其講到最後主角確定自己人到63歲，先至搵到真正愛情，更毅然跑到巴黎搵愛人，就最令人感動。
售價$103
《機場客運站》流暢真實
湯漢斯拍大導演史提芬史匹堡，《機》嘅卡士亦不弱；故事講湯滯留機場經年，出入不得，佢除咗係一個掙扎求存的故事外，與女角嘅一段情亦係主線之一，湯漢斯即使人在異國，見到深愛嘅人仍會落力追求，更與朋友扮鬼扮馬，可以話令故事生色不少！今個情人節未有女友，或摩拳擦掌想示愛者，要學嘢喇！
售價$139
外國愛情片
無厘頭的愛《10天戀愛有限期》
《10天戀愛有限期》可能會覺得劇中笑位好無厘頭，不過只要夠浪漫，一樣有睇頭；此片男女主角漂亮生鬼動，可以迎合到大多數觀眾口味，雖然故事可以話難有新意，不過勝在包裝好，夠風趣幽默，同女朋友一齊睇，得啖笑都唔錯。
售價$75
愛情秘方《情迷朱古力》
《情》以朱古力為象徵，帶出感性與戒律、開放與壓抑、善與惡鬥爭嘅主題。主角所售賣嘅朱古力，使用神秘嘅秘方，令鎮上嘗過嘅人神魂顛倒，年老者再度容光煥發，從不談話鄰居變成好朋友，最後更結下一段情緣。
售價$68
港產愛情片
幾米式浪漫《地下鐵》
《地下鐵》是繼《向左走．向右走》後另一齣改編幾米嘅作品，也是梁朝偉和楊千嬅繼《行運超人》後再度合作，再加上是由王家衛監製，卡士絕對不弱。此片屬於一齣溫馨浪漫愛情片，劇本完整，亦算拍得有板有眼，好有幾米色彩。
售價$65
夢想VS愛情《天作之盒》
曾是駐院醫生嘅Albert，每天都努力將歡樂帶給身邊嘅同僚及病人；即使得知患上血癌，仍然整天埋頭苦幹，另一方面夢想考進澳洲醫學院胸肺科嘅Joanna，將得失看得甚重，直至遇到Albert，才開始改變。
售價$65
DVDPro
電話：23326326
地址：旺角奶路臣街6E德發商場地庫B4