學拋帽玩陀螺小蘋果雜技團嚟啦！

以前在電視上睇雜技團表演，都非常羨慕哥哥、姐姐們可以做出咁多種神乎其技的表演，心諗如果我有得玩就好咯！今次小蘋果有機會得到「廣州雜技團」的哥哥、姐姐親自教授，玩個夠本，雖然過程中失敗多過成功，但新年最緊要開心，Whocares？

記者：小辣椒　攝影：BearBear
鳴謝：太古城中心

高手示範：

人叠人
■雜技團的哥哥們一邊拋禮帽，一邊玩人叠羅漢，真係高難度！

足尖空竹
■姐姐們着住芭蕾舞鞋玩陀螺，學到佢哋一半都夠威啦！

似拉筋
■澤浩被小丑先生邀上台一齊娛樂大家，敬禮動作似足拉筋，逗得大家笑呵呵！

凌空飛陀
■佢哋單腳高空玩陀螺玩到出神入化，睇到小蘋果嘩嘩聲。

第一關：仙女散花

哥哥們揸住頂帽跳舞，又要打空翻、三百六十度轉帽，同埋雙人跳肩接帽等。小蘋果們都知呢啲係高難度動作，於是努力練習，不過禮帽經常都好似仙女散花咁，一地都係！

一學即曉
■梓豐為了動作完美，醒目地脫下眼鏡。他說帽子唔係咁重，帽子輕而易舉站起來了！

帽子失蹤
■哥哥把帽子放在背上，翻滾兩周便能戴上帽子，點解小蘋果每次總是差了一點點呢？

出茅招

企帽
■哥哥教我們把帽子放在鼻樑上，叫帽子「企立」，放手的時候，帽子會不會掉下來？

拋得太遠
■與哥哥一齊拋高帽子再戴上，但是浚傑的帽子好像拋得太遠了。

練成第一式
■獨自練一遍、兩遍、三遍，帽子終於成功落到頭上，加一頂又如何？

臉紅氣喘
■浚傑眼都唔眨，練到臉紅氣喘，終於又成功練成第二式｜｜接帽。

第二關：陀螺愈叫愈走

兩根小棍加一條線，邊抖動着線上的「紅色陀螺」，邊跳芭蕾舞，小蘋果睇到目瞪口呆，拍爛手掌。小蘋果想道：「如果不跳芭蕾舞，我都可以做得到！」試試看，轉轉轉，紅色陀螺似足小蘋果咁生生猛猛，經常走路，捉番它再嚟過，最後終於肯乖乖聽話，在線上玩搖搖板！

陀螺舞
■三位姐姐跟紅色陀螺是好朋友，聽聽話話在線上跳起舞來。

三分鐘熱度
■左搖搖、右搖搖，澤浩玩咗一陣，就轉組喪玩禮帽。

雞咁腳走
■紅色陀螺很頑皮，家愉愈叫它就愈走。

測試時間

練習咗大約30分鐘，眼見男的愈玩愈癲，幾乎失控，女的就愈玩愈專注，唔捨得放手，都係時候測試吓大家的實力，順便畀機會哥哥、姐姐們唞一唞，真係辛苦晒！

搖擺陀螺
■芮琦玩時姿勢十足，隨着節拍擺動身體，可能諗住感動到紅色陀螺，唔好逃跑。

一個人的勝利
■三人中霆鋒宣告戴帽失敗；展峯企圖捉住頂帽，最後都係無眼睇；只有澤浩擺出勝利的姿態！

睇雜技，去邊度？

今次「廣州雜技團」派出40人，表演14個精采項目，每日表演3場，內容場場不同，想睇晒真係要行多啲商場喇！
日期及時間：
2月14日-18日 1:30pm、3:30pm及7:30pm
2月19日-20日 2:30pm、4:30pm及7:30pm
地點：太古城中心
活動查詢：25688665