林家棟日前與鄧肇欣及新人張穎康一同到幼稚園拜年，三人在園內舉行的模擬年宵市場內「搞搞震」，除扮成賣花及賣食物的商販外，又教小朋友整湯圓，還大顯身手表演舞獅兼派利是，令園內洋溢歡樂氣氛。
林家棟與新人張穎康及劉德華契女鄧肇欣，日前相約到油塘的「天主教聖雅各伯幼稚園」向小朋友們拜年，他們一到達便表演舞獅，受到熱烈歡迎，家棟更落力教小朋友舞獅的技巧，又頑皮地將獅頭放在他們面前，嚇得小女孩尖叫起來。
家棟被問到今年的新年願望時說：「我今年希望世界和平，最重要嘅都係希望我媽媽身體健康，因為佢呢排身體唔係咁好。我會趁呢兩日假期好好瞓吓，抽多啲時間陪屋企人。」而家棟又表示每年都會封紅包給工作人員，他說：「我諗我今年會派一、二百封利是，但只會派畀幕後。」
而華仔契女鄧肇欣的聲帶在新年前開始發病，病足三個多星期，雖然抱恙，但她在幼稚園內仍與可愛的小朋友有講有笑，鄧肇欣說：「見到啲小朋友真係好開心，佢哋個個都好得意。而我嘅新年願望係唔好再有咁多天災，工作上有更加多嘅發展。」
問鄧肇欣會否想有桃花時，她笑說：「我都想㗎，因為如果喺感情上有多啲經驗，對演戲都會有幫助。」
至於張穎康的新年願望則是希望在工作上有多些機會，並希望市民都能夠開開心心。
採訪：羅慧敏 攝影：葉君海
服裝提供：裕華國貨
