噚日香港金市新春首日開市，罕有咁同股市唔同步，因為金市周六有半日市，所以噚日初四開市，一如以往必定紅盤高開，第一口價重要係極好意頭嘅每両三千八百八十八元成交！
不過，今日金銀貿易場嘅代表同埋政府代表，同過去兩屆都好唔同，今年金銀貿易場主持開市儀式嘅代表係去年剛上任嘅理事長程文傑，港府代表就變咗財經事務及庫務局常任秘書長何鑄明，對上兩次羊年同埋猴年嘅金市開市儀式都係由馮志堅夥拍馬時亨局長。馮志堅因為連任兩屆功成身退，但唔知馬局長係唔係出咗埠呢？
講開又講，金市雞年初四開市，結果高開高收，股市就要等聽日、即係年初六。八方側聞今年不宜初六開工，究竟初六至發市嘅港股會唔會好似金市咁高開紅盤，就要睇睇啦！
（圖）金市現時仍保留住公開喊價嘅傳統，由出市代表舉手喊價，何鑄明（右三）睇得好開心呢！
傳真︰2623-9278
電郵︰