新一年新開始，官恩娜（Ella）、Rosemary和荷蘭歌手Joost等人昨天出席「螢幕情侶」頒獎禮，其間Joost分別要求與Ella和Rosemary做訪問和合照。Ella更被邀合唱，但Ella卻謂要看看能否在荷蘭發展才考慮。
官恩娜（Ella）、戴夢夢、李逸朗、Rosemary、鍾嘉欣和荷蘭歌手Joost被選為「螢幕情侶」，他們昨天在黃大仙出席該頒獎禮。
而MTV台專程到場拍攝Joost的表演，Joost又為MTV台訪問了Ella和Rosemary，Ella透露Joost邀她合唱，她說：「做訪問嘅時候佢問我ILoveYou中文點講，跟住又問可唔可以同我合唱。」記者笑她新一年開始不久便遇桃花，她說：「係啦！可能我擺咗棵桃花喺屋企，之前我聽人話，喺棵樹前面兜咗三個圈，但我都係覺得中國人好啲。」
問Rosemary心目中的理想情人是怎樣時，她表示對方需要有風度、外向和相處時有感覺，又自言理想情人是奇洛李維斯（KeanuReeves）。問到情人節會如何度過，她的母親在旁即說：「佢要開工，睇吓有冇人約囉！有咪去。」
另外，陳鍵鋒表示黃宗澤今年有派利是，他說：「佢話如果《我師傅係黃飛鴻》有一定嘅收視就會派利是，不過佢派得十蚊雞，冇誠意！」至於Ella和戴夢夢今年都第一年派利是，Ella說：「派利是真係好好feel，個個見到利是又開心，我都預咗幾千蚊派利是㗎！」
採訪、攝影：王連連
