中央政策組首席顧問佳叔劉兆佳噚日上商台接受訪問，應該係為早前選擇性放料畀傳媒一事補鑊，因為施政報告公布前，當局搵咗幾個友好傳媒機構放料，商台卻冇份。
佳叔名義上係老董首席智囊，今年份施政報告唔少地方都出自佢手筆，佢話自己嘅角色只係「監製」，主要意念都係出自老董。佢又話今年寫施政報告前，佢同老董先後見咗廿幾三十個團體代表，所以份報告獲得唔少人認同，亦因為聽過唔少人意見，好多人都唔多唔少知道報告嘅部份內容，今年漏料情況亦特別多。
佳叔咁講無非係想補鑊，但噚日嘅節目主持人、商台新聞部阿頭May姐卻不以為然，第一時間窒佳叔「咪你漏料囉。」佳叔自知失言，冇再辯駁。而噚日節目接聽咗兩位聽眾來電，兩個都抦到佳叔七彩。
傳真︰2623-9278
電郵︰